Transcription
1
Monseigneur, je vous escrivis hier au soir par le sieur de La Meaulce, lequel
2
toutesfois n’est party que ce matin, retournant à Nysmes et portant passeport
3
à monsieur de St Romain pour faire venir les deputez pour le faict de la conférence
4
silz y veulent entrer, et dun autre passeport pour parler à monsieur de Maugiron
5
et pour entendre de luy ce quil a à luy dire de la part du roy, combien quil
6semble [barré : quil ] par la response quil a faicte audit sieur de Maugiron quil n’entend negocier aucune
7
chose separement. Cela tirera les choses en longueur. Monseigneur le marechal a
8
accordé audit sieur de La Meaulce prolongation de trefves pour quinzaine pour les
9
diocèses de Nysmes et Uzès aux fins de la conference. Mais la quinzaine sera
10
passée avant que les vicontes et le sieur de Serignac en aient eu nouvelles
11
et faict response silz seront de cest advis ou non. Je vous ay escrit que
12
mondit seigneur le marechal estoit allé vers Florensac et Agde et que nous
13
attendons son retour à mecredy. Je vous supplie si povez recouvrer une copie
14
du don que le roy a faict de la plus valleur de la terre de Jaunaige à monsieur
15
d’Evènes, me lenvoyer. Sur ce, me recommandant bien humblement à votre
16
bonne grace et suppliant le Createur,
17
monseigneur, vous conserver en la sienne. De Montpellier, ce XVe jour de
18
fevrier 1574.
19
Vostre à jamais plus fidelle et plus
20
affectionné serviteur Truchon